Aksident në rrugën Prishtinë-Gjilan, lëndohen pesë persona

Pesë persona janë lënduar sot rreth orës 18:30 në një aksident trafiku në rrugën Prishtinë-Gjilan.

Në aksident janë përfshirë dy automjete.

Lajmin e ka konfirmuar Flora Ahmeti nga Policia e Kosovës.

“Rreth orës 18:30 kemi pranuar informatën për një aksident trafiku në rrugën Prishtinë – Gjilan. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar pesë persona”, ka thënë Ahmeti.

Sipas saj të lënduarit janë dërguar për tretman mjekësor, derisa me rastin po merret njësiti i trafikut./FaktePlus