Aksident në Prishtinë: Vetura përplas çiklistin, deklarohen nga Policia

Një aksident trafiku ka ndodhur para pak minutash midis një çiklisti dhe një veture në lagjen Matiqan të Prishtinës.

Për aksidentin e ndodhur saktësisht në rrugën “Isa Kastrati”, janë deklaruar edhe nga Policia, të cilët thonë se si pasojë e këtij aksidenti, çiklisti është lënduar.

“Aksidenti ka ndodhur në mes një veture dhe një çiklisti, si pasojë e aksidentit është lënduar çiklisti”, ka thënë zëdhënësi i Policisë për Rajonin e Prishtinës, Bajram Krasniqi.