AKR-ja tregon se a voton për Qeverinë Hoti nëse nuk do të jetë pjesë e saj
Zyrtarë nga Aleanca Kosova e Re (AKR) kanë treguar se a do të mbështesin formimin e Qeverisë Hoti edhe nëse nuk do të jetë pjesë e saj .
Fatmir Matoshi, nënkryetar i kësaj partie, ka thënë se nuk do të pengohet formimi i Qeverisë.
Ai thotë se AKR-ja nuk ka marrëveshje për përfshirje në Qeverinë që po synon ta ndërtojë LDK-ja me AAK-në, Nismën dhe komunitete joshumicë.
“Ne do ta votojmë Qeverinë Hoti. Nuk kemi një marrëveshje, e as kontakte. Nëse vije ndonjë ofertë do ta shqyrtojmë në parti”, ka dejklaruar për KOHEN, Matoshi.
Për votimin e Qeverisë Hoti, gjatë ditëve në vijim pritet të thirret seancë në Kuvendin e Kosovës.