Ahmeti tregon si do ta zgjidhë problemin e komunikacionit në Prishtinë
Kryetari i Komunës së Prishtinës, Shpend Ahmeti, ka treguar se si do ta zgjidhë problemin me komunikacionin dhe ndotjen e artit në Prishtinë.
Ai ka thënë se mbi 100 mijë makina hyjnë në Prishtinë në rrugët hyrëse gjatë ditës, përcjell FaktePlus.
“Rrugët e ngushta të cilat nuk lejojnë zgjerim nuk mund të përballojnë këtë sasi të automjeteve. Kohët më të ndjeshme janë mëngjesi për shkak të njerëzve që vijnë në punë dhe prej orës 16 – 18 kur largohen nga Prishtina”, ka shkruar Ahmeti.
Postimi i tij i plotë:
Mbi 100 mije makina hyjnë në Prishtinë në rrugët hyrëse gjatë ditës. Rrugët e ngushta të cilat nuk lejojnë zgjerim nuk mund të përballojnë këtë sasi të automjeteve. Kohët më të ndishme janë mëngjesi për shkak të njerëzve që vijnë në punë dhe prej orej 16 – 18 kur largohen nga Prishtina.
Unaza e qytetit do ta shkarkojë një pjesë të makinave që hyjnë tranzit por problemi kryesor mbetet numri i madh i makinave që hyjnë.
Prej janarit 2020, Parkingu publik do të jetë i kufizuar 2 orë për ata që nuk janë banorë të lagjeve, prandaj ata që parkohen në qendër duhet të mendojnë më herët se ku do ta lënë makinën. Po ashtu, parkimi në qendër do të jetë më i shtrenjtë.
Do të filojmë ndërtimin e pesë Park and Ride parkingjeve në hyrje të qytetit.
Do të investojmë edhe më tutje në Transport Publik.
POR, në javët dhe muajt në vijim do ta shqyrtojmë seriozisht Congestion Charge në pjesët e ngarkuara të qytetit. Jemi duke shqyrtu që kjo të bëhet përmes kamerave smart që lexojnë tabelat. Kjo Taksë e “tollovisë” bashkë me investimet tjera mund ta lehtësojë komunikacionin dhe zvogëlojë ndotjen në kryeqytet.
#Prishtina./FaktePlus