Resul Sinani me pozitë të re
Profesor Resul Sinani ka njoftuar se është emëruar Dekan i Fakultetit të Komunikimit Masiv në kolegjin AAB.
Përmes një publikimi në rrjetin e tij social ‘facebook’, Sinani ka bërë të ditur se ai është emëruar në këtë pozitë.
“Të dashur miq, po e ndaj me ju një lajm të gëzueshëm të këtij fillim viti. Nga Kolegji AAB më është dhënë besimi dhe jam emëruar Dekan i Fakultetit të Komunikimit Masiv! Ndihem shumë i nderuar dhe i vlerësuar dhe për këtë detyrë dhe përgjegjësi të re e falënderoj në veçanti Kryetarin e Bordit të Kolegjit AAB, prof. Ilir Tafa dhe Rektorin e Kolegjit AAB prof.dr. Lulzim Tafa”, ka shkruar Sinanin në facebook.
Ai tutje ka thënë se do të angazhohet me përkushtim në detyrën e re.
“Nga ana ime, do të mundohem që me angazhim dhe përkushtim ta bëj më të mirën, në mënyrë që së bashku të haperojmë drejt sukseseve të reja për Kolegjin AAB, suksese të cilat domosdo janë suksese për studentët tanë në veçanti por edhe për komplet sistemin arsimor të vendit tonë në përgjithësi”, ka shkruar Sinani./FaktePlus