Haliti: Ndërkombëtarët po i përdorin masat si levë për ta detyruar Kosovën të pranojë diçka
Deputeti i Vetëvendosjes, Enver Haliti, ka thënë se ndërkombëtarët po i përdorin masat kundër Kosovës si “levë” për kushtëzim.
Ai është shprehur se është e palogjikshme që masat e Bashkimit Evropian ndaj Kosovës janë ende në fuqi kur është rekomanduar heqja e tyre.
“Sanksionet kanë qenë të padrejta. Kanë qenë të pavend dhe të palogjikshme. Derisa përfaqësuesi special për politikë dhe siguri ka nxjerrë rekomandim për heqjen e masave, ende nuk kemi vendim. Partnerët ndërkombëtarë, vendet e BE-së, po përdorin këto leva për t’i detyruar shtetet si Kosova për të pranuar diçka duke mbajtur masat që nuk ka logjikë pse janë në fuqi sot ato masa”.