Raportet financiare të partive: VV-ja me të hyra mbi 2 mln €, PDK-ja afro 1 mln e LDK-ja me mbi 700 mijë

Të hyrat e Vetëvendosjes për vitin 2023 kanë qenë mbi 2 milionë euro. Të Partisë Demokratike të Kosovës afër 1 milion euro. Të hyrat e Lidhjes Demokratike të Kosovës mbi 700 mijë euro.

Komisioni Qendror i Zgjedhjeve ka publikuar të martën raportet e audituara financiare të subjekteve politike për vitin 2023

Të hyrat e Lëvizjes Vetëvendosje për vitin 2023 kanë qenë mbi 2 milionë euro, ndërsa të Partisë Demokratike të Kosovës akne qenë afër 1 milionë euro, të hyrat e Lidhjes Demokratike të Kosovës kanë qenë mbi 700 mijë euro dhe më së paku Aleanca për Ardhmërinë e Kosovës me rreth 280 mijë eurot të hyra.

Kështu bëhet e ditur në raportet e audituara financiare të partive politike për vitin 2024 nga Komisioni Qendror i Zgjedhjeve (KQZ).

Shpenzimet e VV-së kanë qenë mbi 1 milionë euro, për PDK-në rreth 700 mijë euro, LDK-ja ka shpenzuar mbi 440 mijë euro dhe AAK-ja rreth 260 mijë euro.

Sipas KQZ-së procesi i auditimit është kryer nga auditorë të cilët janë përzgjedhur nëpërmjet një konkursi të hapur publik nga Zyra për Regjistrim, Certifikim dhe Kontrollin Financiar të Subjekteve Politike.

LVV: të hyra 2,000,750 euro, shpenzime 1,384,154 euro;

PDK: 951,483 euro të hyra, 717,543 euro shpenzime;

LDK: 723,169 euro të hyra, shpenzime 431,824 euro;

AAK: 723,169 euro të hyra, 431,824 euro shpenzime”, thuhet në raportet e KQZ-së.

Lista Serbe ka mbi 300 mijë euro të hyra dhe mbi 2290 mijë euro shpenzime gjatë viti 2024.

Kurse, dy paritë që janë në koalicion me VV-në, Alternativa e Mimoza Kusarit-Lilës ka të hyra rreth 900 euro dhe shpenzime rreth 120 euro, kurse për Guxon e Faton Pecit nuk ka të dhëna.