Ekipi i Brazilit goditet nga një sëmundje para ndeshjes me Zvicrën
Problemet e fitnesit të Brazilit në Kampionatin Botëror kanë vazhduar, derisa një grip ka goditur skuadrën e Selecaos përpara ndeshjes së tyre me Zvicrën të hënën.
Skuadra e Tites është tashmë pa Neymarin për pjesën e mbetur të fazës së grupeve pasi ylli i Paris Saint-Germain pësoi një lëndim në kyçin e këmbës në fitoren ndaj serbëve, ndërsa mbrojtësi Danilo gjithashtu do të mungojë për pjesën e mbetur të fazës së grupeve.
Tani Antony, Lucas Paqueta dhe Alisson ishin që të gjithë jashtë stërvitjes në pika të ndryshme, me simptoma të ngjashme me gripin.
Ylli i Manchester United humbi dy seanca gjatë fundjavës, megjithatë, ai së bashku me Paquetan dhe Alisson ishin në gjendje të luanin një pjesë të stërvitjes të dielën, ndërsa Brazili përgatit ekipin e tyre për ndeshjen e së hënës.
Antony ka të ngjarë të jetë një opsion që Tite e konsideron si zëvendësues për Neymarin, por sëmundja tani mund të nënkuptojë se alternativa të tjera konsiderohen si Rodrygo ose dyshja e Arsenalit – Gabriel Jesus dhe Gabriel Martinelli.
Mbrojtësi i Juventusit, Danilo, po ashtu vuan nga problemet e kyçit të këmbës dhe lëndimi i tij është më i keq se sa mendohej më parë, zbuluan skanimet të premten. Vendin e tij ka të ngjarë ta zërë legjenda braziliane Dani Alves, i cili mund të zhvillojë ndeshjen e tij të 125-të.
Brazili do të përballet me Zvicrën të hënën me të dyja skuadrat që kanë fituar ndeshjen hapëse në grup. Një fitore e mëtejshme për skuadrën e Tite do të siguronte vendin e tyre në fazën e eliminimit.
