Arrestohen tre të dyshuar, e rrahën një person në Pejë

Gjatë ditës së djeshme në Pejë janë arrestuar tre persona.

Të njëjtit kanë sulmuar një mashkull për shkak të një aksident trafiku me dëme materiale në të cilin aty për aty ishin përfshirë palët.

Sipas raportit 24 orësh të Policisë, tre të dyshuarit janë dërguar në mbajtje.

“Rr. Zahir Pajaziti, Pejë, 26.05.2022 – 12:10. Janë arrestuar tre të dyshuar meshkuj kosovarë pasi të njëjtit, kanë sulmuar fizikisht viktimën mashkull kosovar, dyshohet për shkak të një aksident trafiku me dëme materiale në të cilin aty për aty ishin përfshirë palët. Viktimës i është ofruar tretman mjekësor në spitalin rajonal në Pejë, ndërsa (tre) të dyshuarit me vendim të prokurorit janë dërguar në mbajtje. Rasti duke u hetuar” thuhet në raportin 24 orësh të Policisë.