Ambasadori gjerman dënon sulmin mbi policinë e Kosovës në veri, e quan “të neveritshëm”
26/04/2022, 20:59
Ambasadori i Gjermanisë në Kosovë, Jorn Rohde, e ka dënuar sulmin mbi Policinë e Kosovës në veri.
Ai ka ofruar mbështetje të plotë për forcat e rendit teksa ka kërkuar që autorët të dalin para drejtësisë.
“E dënojmë sulmin e pestë të neveritshëm mbi Policinë e Kosovës në vetëm pak javë. Mbështetje të plotë për autoritetet e zbatimit të ligjit të Kosovës për t’i sjellë autorët para drejtësisë”, ka shkruar Rohde në Twitter.
Forcat e rendit janë sulmuar sot në veri të Kosovës me armë zjarri. Ky është sulmi i pestë mbi policinë në atë pjesë të vendit gjatë ditëve të fundit.
Nga sulmi nuk ka pasur të lënduar. KFOR-i dhe autoblindat e policisë vazhduan patrullimin në atë pjesë të vendit pas sulmit.
