Raportohet për një sulm tjetër ndaj Policisë së Kosovës në Veri
26/04/2022, 8:59
Në media është raportuar për një sulm të ri ndaj Policisë ndërkufitare të Kosovë në veri të vendit, përkatësisht në Zubin Potok.
Sipas raportimeve, Policia e Kosovës ka qenë cak i sulmit rreth orës 08;00 të mëngjesit.
Nuk raportohet për të lënduar.
Reporteri.net ka kontaktuar me Policinë e Kosovës në lidhje me këtë rast, por të njëjtit nuk kanë dhënë ende detaje.
Në javët e fundit, Policia e Kosovës disa herë ka qenë cak i sulmeve në veri të vendit.
Ministri i Brendshëm, Xhelal Sveçla këto sulme i ka quajtur akte terroriste.
Sulmi i fundit ishte raportuar më 16 prill.
