Miliarderi rus i sanksionuar dënon luftën ‘e çmendur’
Një manjat rus ka kritikuar “masakrën” e Moskës në Ukrainë dhe i ka bërë thirrje Perëndimit që t’i japë fund “luftës së çmendur”, në një postim në Instagram me sharje.
“Unë nuk shoh një përfitues të vetëm të kësaj lufte të çmendur! Njerëz të pafajshëm dhe ushtarë po vdesin”, shkroi Oleg Tinkov, 54 vjeç, në rusisht.
Sipas tij, kundër kësaj lufte janë edhe “90%” e bashkëkombësve të tij rusë. 10% e mbetur “janë budallenj”, tha ai.
Tinkov, një nga sipërmarrësit më të njohur të Rusisë, themeloi Tinkoff Bank në 2006.
Përpara se Rusia të pushtonte Ukrainën në fund të shkurtit, pasuria e Tinkov ishte vlerësuar në më shumë se 4.4 miliardë dollarë.
Por që atëherë ai ka humbur statusin e tij të miliarderit.