Ukraina përgatitet për sulme të reja në lindje

Presidenti ukrainas, Volodymyr Zelensky hodhi dyshime mbi pretendimet e Rusisë se po de-përshkallëzon luftimet në vendin e tij, duke e quajtur atë si pararendës të “sulmeve të reja” në rajonin e shkëputur lindor të Donbasit.

Pesë ditë më parë, Rusia tha se kishte arritur objektivat kryesore të fazës së saj të parë të pushtimit dhe do të përqendronte përpjekjet e saj kryesore në arritjen e qëllimit të saj kryesor: çlirimin e Donbasit.

Korrespondenti diplomatik i BBC-së, Paul Adams, tha në atë kohë se njoftimi ka të ngjarë të nënkuptojë një përpjekje më të përbashkët për të shtyrë përtej “vijës së kontaktit” që ndan territorin e mbajtur nga qeveria ukrainase.

Moska pretendon se 93% e rajonit të Donbasit të Luhanskut është nën kontrollin e separatistëve të mbështetur nga Rusia, me 54% të pjesës tjetër të Donbasit, Donetsk, në duart e tyre. Më shumë se një e treta e të gjithë zonës ishte nën kontrollin separatist para fillimit të luftës.

Rreth 10 grupe të reja taktike të batalionit po krijohen dhe futen në operacionet e Rusisë, veçanërisht në Donbas, raporton tutje BBC.