Ambasadori i Ukrainës në Beograd, falënderon presidentin e Serbisë
“Ne i jemi mirënjohës Vuçiqit për propozimin, Serbia është një partner i rëndësishëm ndërkombëtar për ne, populli serb është mikpritës. Megjithatë, nuk ka rëndësi se ku zhvillohen negociatat. Do të shohim pas negociatave në Turqi se si do të zhvillohen më tej gjërat”, tha Aleksandroviç.
Ai thotë se është e rëndësishme që lufta të ndalet sa më shpejt dhe se njeriu që e filloi luftën mund ta ndalojë menjëherë, e ai është presidenti (i Rusisë), Vladimir Putin.
“Ne duam paqen, por ajo nuk varet nga ne. Ne po mbrohemi në tokën tonë,” tha Aleksandroviç.
Aleksandrovich para disa ditësh kishte thënë se Ukraina e mbështet atë që ai e quan “integritet territorial të Serbisë”, duke iu referuar rastit të Kosovës, të cilën shteti ukrainas nuk e ka njohur ende.