Mbi 10 mijë trupa ruse kanë hyrë gjatë natës në Ukrainë
Mijëra trupa ruse janë tashmë në Ukrainë, kanë paralajmëruar burimet ushtarake sot, vetëm disa orë pasi Putini dha urdhër që forcat e tij të kalojnë kufirin mes frikës se ai do të nis pushtimin në lindje të vendit.
Më shumë se 10.000 ushtarë hynë në zonat e pushtuara nga separatistët gjatë natës, tha për MailOnline një burim që ka lidhje me inteligjencën ushtarake ukrainase. Ai tha se 6000 trupa janë dërguar në Donetsk. 5000 në Luhansk dhe 1500 në qytetin Horlivka.
“Është e vështirë të besohet se Putini mund të kishte lëvizur kaq shpejt, por ai kishte një kohë të gjatë për t’u përgatitur”, tha burimi.
Një video është publikuar që tregon një kolonë automjetesh që rrotulloheshin nëpër Donetsk në orët e hershme, duke përfshirë tanke, transportues të blinduar të trupave dhe kamionë. Shenjat nuk ishin të dukshme, por kishte pak dyshim se ato ishin forca ruse të dislokuara me urdhër të Putinit. Rusia mohoi zyrtarisht dërgimin e trupave, duke thënë se një vendim për vendosjen do të merret si përgjigje ndaj ‘kërcënimeve’.