Një grua me alergji ndaj të ftohtit ka frikë se shtrenjtimi i rrymës mund ta vrasë atë

Skuqjet e dhimbshme shpërthejnë në të gjithë trupin e Nyree Clark sa herë që temperatura ulet dhe kur ajo ka një reagim të rëndë, goja dhe gjuha e saj fillojnë të fryhen.

Nëna e dy fëmijëve, e cila është diagnostikuar me një sëmundje të rrallë të quajtur “Urtikaria e rëndë Idiopatike e ftohjes”, tha se ajo tashmë po përpiqet të paguajë faturat e ngrohjes dhe së shpejti do t’i duhet të vendosë nëse “do të hyjë në borxhe apo do të jetojë”.

Kjo vjen pasi qeveria njoftoi se kufiri i çmimit të energjisë do të hiqet në prill, që do të thotë se rreth 22 milionë familje do të shohin që faturat e tyre të rriten me 820 euro në vit.

“U ndjeva shumë e frikësuar, pasi është një situatë jete a vdekjeje për mua dhe për të sëmurët e tjerë”, tha ajo për YorkshireLive, përcjell Klankosova.tv

Clark aktualisht synon të mbajë temperaturën në shtëpinë e saj midis 16°C dhe 20°C për të shmangur shpërthimet dobësuese.

“Ndjehet sikur jam në zjarr dhe ju mund të ndjeni nxehtësinë nga lëkura ime ndërsa ajo shkon në mbingarkesë”, tha ajo.

“Gjithashtu, ju keni dhimbjen që ndihet si pickimi i hithrës, ju fryhet goja, fyti dhe gjuha dhe keni vështirësi të merrni frymë dhe madje të ecni”, shtoi ajo

Jackie Thompson, një nënë dhe grua në Skoci, vuan nga e njëjta gjendje dhe tha se stresi i rritjes së çmimit të energjisë po ndikon në shëndetin e saj mendor.

“Ne nuk jemi vetëm alergjikë ndaj të ftohtit – është shumë më tepër se sa trupat tanë luftojnë për të përballuar temperaturat e ndryshme”, tha ajo.

“Rritja e çmimit për mua është një barrë shtesë pasi aktualisht po luftoj betejat e mia për shkak të gjendjes sime”, shtoi ajo.