Putin: Kam punuar si taksist në vitet e 90-ta, nuk ndihem mirë të flas për këtë

Presidenti i Rusisë, Vladimir Putin, ka deklaruar se në vitet e 90-ta ka punuar si shofer taksie, kur u gjend në vështirësi financiare.

Kriza ekonomike në të cilën gjendej Rusia, i detyroi shumë rusë që të kërkonin mënyra të reja për të fituar para.

Rënien e Bashkimit Sovjetik në vitin 1991, Putin e përshkroi si kolaps të Rusisë historike.

“Më është dashur të punoj si shofer taksie. Edhe pse nuk ndjehem mirë të flas për këtë, por e kam bërë këtë punë”, ka thënë Putin në një sekuencë të filmit dokumentar “Historia e Re”, që është shfaqur në televizionin “Rusia 24”.