Varianti i ri i COVID, Britania e Madhe pritet ta vendosë në “listë të kuqe” Afrikën e Jugut

Afrika e Jugut po i bashkohet listës së kuqe nga mesdita e së premtes pas shqetësimeve të përhapura për një variant të ri Covid-19 i cili është zbuluar në vend.

Vendet fqinje Botsvana, Namibia, Zimbabve, Eswatini dhe Lesoto do të jenë gjithashtu në listën e kuqe me fluturime të ndaluara përkohësisht, raporton The Telegraph.

Vendimi shënon një rikthim në kufizimet e udhëtimit me këdo që fluturon në vendet e listuara dhe janë të detyruar të kalojnë 10 ditë në karantinë hoteli pas kthimit të tyre në Mbretërinë e Bashkuar, me një dënim prej 10,000 funta për ata që shkelin rregullat.