E pazakontë: Pasagjerët ikin nga aeroplani, mbyllet aeroporti
E pazakontë: Pasagjerët ikin nga aeroplani, mbyllet aeroporti
Fluturimet në aeroportin e ngarkuar të Majorkës në Spanjë u paralizuan të premten në mbrëmje, pasi një grup i pasagjerëve raportohet se ikën nga një aeroplan që bëri ulje emergjente.
Burimet brenda policisë u thanë medieve spanjolle se aeroplani që po fluturonte nga Maroku drejt Turqisë bëri një ulje emergjente për arsye shëndetësore të një pasagjeri në tokën spanjolle rreth orës 8 e 30 minuta të mbrëmjes sipas kohës lokale.
Pasi aeroplani aterroi, një grup prej 15 personave arritën që të dilnin nga aeroplani dhe të vraponin nëpër pistë.
Për pamje nga pista ku ndodhi incidenti, klikoni KËTU.
Më shumë se dy orë më vonë, policia spanjolle po e vazhdonte kërkimin e pasagjerëve.
Sipas organizatës së kontrollorëve ajrorë të Spanjës, fluturimet e planifikuara në këtë aeroport po vonohen, po anulohen ose po drejtohen për në aeroporte të tjera si ai i Ibizës.
Ndryshe, sipas disa statistikave, aeroporti i Majorkës është i treti me më së shumti qarkullim në Spanjë. Më shumë pasagjerë kalojnë vetëm nëpër aeroportin e Madridit dhe aeroportin e Barcelonës.
