“Vaksinohuni ose do ta humbisni punën”/ Pse nuk po vaksinohen amerikanët

Joe Biden u ka bërë thirrje punëdhënësve amerikanë që t’i japin ultimatum stafit të tyre: vaksinoheni ose do ta humbisni punën tuaj.

Presidenti amerikan thotë se së shpejti do të sjellë një vendim që kërkon që të gjithë punonjësit e kujdesit shëndetësorë të jenë vaksinuar dhe u ka kërkuar shteteve të bëjnë të njëjtën gjë me mësuesit.

Në Concord, New Hampshire, është mahnitëse të shohësh disa nga ata që morën pjesë në një protestë të madhe kundër vaksinimit.

Leah Cushman është e përgatitur të humbasë punën e saj si infermiere, në vend që të vaksinohet, raporton BBC, përcjell Gazeta Sinjali.

“Besimet e mia janë fetare. Unë besoj se krijuesi im më ka pajisur me një sistem imunitar që më mbron dhe nëse sëmurem, ky është një akt i Zotit. Unë nuk do të merrja një ilaç që ndikon në sistemin imunitar”, tha zonja Cushman.

Ajo mohon se ka ndonjë konflikt midis këtyre besimeve dhe përgjegjësive të punës së saj.

Cushman argumenton se vaksinat Covid mbeten “eksperimentale”, pavarësisht se vaksina Pfizer ka miratimin e plotë të Administratës së Ushqimit dhe Barnave në ShBA-së, që do të thotë se FDA konsideron se janë mbledhur të dhëna të mjaftueshme për të treguar se ilaçi është i sigurt dhe efektiv. Por ajo thotë se nuk merr më asnjë vaksinë në asnjë rast