Izraeli kryen sulme ajrore në Gaza
Avionët luftarakë të Izraelit kryen sulme ajrore ndaj dy pozicioneve që i përkasin Brigadave Izz ad-Din Al-Qassam, krahut ushtarak të Hamasit në Gaza.
Avionët luftarakë goditën dy pozicione të Brigadave Izz ad-Din Al-Qassam prej të cilave njëra në jug të Gazës dhe tjetra në veri.
Në një deklaratë nga llogaria në Twitter e ushtrisë izraelite thuhet se avionët luftarakë sulmuan një punishte armësh dhe një pozicion për lëshimin e raketave që i përkisnin Hamasit.
Po ashtu në deklaratë vihet në dukje se sulmi ajror është kryer në kundërpërgjigje të “balonave të zjarrit” që janë lëshuar nga Gaza në anën e Izraelit.
Nga Ministria palestineze e Shëndetësisë ende nuk është bërë ndonjë deklaratë nëse ka apo jo ndonjë vdekje në sulm.
Avionët izraelitë edhe më 2 korrik goditën një pikë të Brigadave Izz ad-Din Al-Qassam.
