9 të arrestuar në protestat kundër masave epidemiologjike në Londër

Qindra njerëz protestuan sot në rrugët e Londrës qendrore kundër masave epidemiologjike që ndikuan negativisht në industrinë e argëtimit dhe klubet e natës, dhe policia arrestoi nëntë persona.

I detyruar të shtyjë heqjen e masave, kryeministri britanik Boris Johnson shprehu shpresën se masat kufizuese do të hiqen më 19 korrik.

Sidoqoftë, organizata “Save Our Scene”, e cila organizoi protestën, thotë se kufizimet dhe bllokimi duhet të hiqen menjëherë, raporton Reuters.

Një kolonë demonstruesish që marshonin nëpër rrugët e Londrës, duke lëvizur drejt ndërtesës së Parlamentit britanik, u shoqërua nga DJ që luanin muzikë nga skenat lëvizëse.

“Gjithçka ka të bëjë me festimin e muzikës”, tha një DJ përmes altoparlantit, duke lavdëruar policinë e Londrës.

Industria e argëtimit është goditur rëndë nga masat kufizuese që kufizojnë numrin e njerëzve të pranishëm në ngjarjet e brendshme.

BBC raporton se nëntë persona u arrestuan në mesin e protestuesve që kundërshtonin masat antiCOVID-19.