Zemaj thirrje prokurorisë të hetojë se pse nuk u nënshkrua kontrata për vaksinat
20/04/2021, 21:29
Ish-ministri Armend Zemaj thotë se Prokuroria në vendin tonë duhet të hetojë se pse nuk u nënshkrua kontrata për vaksinat me Pfizer.
Ditë më parë Insajderi publikoi një hulumtim sipas të cilit Ministri i Shëndetësisë, Arben Vitia, rrezikoi ardhjen e shpejtë të vaksinave Pfizer në Kosovë duke mos nënshkruar kontratën me këtë kompani të arritur nga paraardhësi i tij në këtë dikaster.
“Drejtësia ndoshta do të duhej të kërkojë përgjegjësi për mos nënshkrimin e kontratës apo ku është procesi i nënshkrimit të kontratës. Çka ka ndodh?”, thotë Zemaj në T7.
Ai po ashtu konfirmoi se pas raportimeve për mos-nënshkrimin e kontratës me Pfizer, është ftuar nga Policia e Kosovës.
