Navalny përsëri në gjyq, ofendoi një veteran rus të Luftës së Dytë Botërore
Alexei Navalny u gjet përsëri në gjyq me akuzat e shpifjes dhe prokuroria kërkoi që të gjobitej me 13 mijë dollarë.
Dënimi do të shqiptohet për fyerjen e një veterani rus të Luftës së Dytë Botërore, raporton reuters.
Agjencia deklaron se deri më sot, nuk dihej nëse prokuroria do të kërkonte burgim përveç një gjobe në këtë rast, pasi shpifja sipas ligjit rus mund të dënohet me burgim deri në dy vjet.
Gjykatësi njoftoi sot se vendimi do të shpallet të shtunën, në të njëjtën ditë kur opozitari duhet të paraqesë një apel kundër dënimit me burgim prej gati tre vjetësh, pasi gjykata vendosi më parë që të shkelte lirimin me kusht.
Navalny akuzohet për shpifje ndaj një veterani i cili vitin e kaluar mori pjesë në një video promovuese që mbështet reformat kushtetuese që lejojnë presidentin rus, Vladimir Putin të kandidojë për dy mandate të tjera në Kremlin pas vitit 2024, nëse ai dëshiron.
Shumica e rusëve kanë respekt të madh për veteranët e Luftës së Dytë Botërore dhe kritikat ndaj tyre zakonisht konsiderohen të papranueshme nga shoqëria.
