Përplaset për vdekje nga kamioni 34-vjeçarja që ishte duke e dërguar vajzën në shkollë
Një aksident tragjik ka ndodhur ditën e djeshme në Genova të Italisë, ku një grua 34-vjeçare, e identifikuar si Federica Picasso, humbi pasi u përplas nga një kamion.
Viktima ishte duke lëvizur me një monpatinë elektrike ndërsa u godit fatalisht nga një mjet i tonazhit të lartë, ndërsa një hipotezë tjetër thotë është se viktima u rrëzua dhe më pas u godit nga kamioni.
Ajo sapo kishte çuar vajzën e saj gjashtë vjeçare në shkollë, shpjegoi burri i saj, i cili mbërriti pas rreth një ore në vendin e tragjedisë, raportojnë mediat italiane.
Shoferi i kamionit doli negativ për testin e alkoolit dhe pasi u mor në pyetje nga agjentët e sektorit të aksidenteve u la i lirë.
Nuk është hera e parë që një incident i ngjashëm ndodh në qytetin Ligurian. Një tjetër aksident i rëndë ndodhi më 16 gusht para kishës së San Teodoro në Venezia, kur një grua 30-vjeçare me një skuter u përplas me një makinë të parkuar buzë rrugës duke humbur jetën.
Lëvizja me monopatina po kthehet në një shqetësim edhe për Shqipërinë.
