Camavinga alarmon Realin, Unitedin e Juven: “Ëndërroj të luaj për ekipe të mëdha”
Dy skuadrat italiane Juventus dhe Milan janë futur në garë për shërbimet e francezit, Eduardo Camavinga. Për talentin francez, që ëndërron të luajë për një klub të madh, interesohen edhe Reali, City, PSG e Unitedi.
18-vjeçari, Eduardo Camavinga, është synim i shumë skuadrave evropiane. Talenti francez ka kontratë me Rennes deri në vitin 2022.
Real Madrid, PSG dhe Manchester United ka kohë që monitorojnë francezin, së fundmi listës i janë shtuar City, Milan dhe Juve.
Camavinga nuk e ka mohuar se ëndërron që një ditë ta veshë fanellën e një klubi të madh, megjithatë, edhe aty ku është nuk ndihet keq.
“Unë kam lexuar lajmet që shumë klube të mëdha janë të interesuar, por tani unë jam lojtar i Rennes dhe nuk dua të mendojë për skuadra të tjera”, u deklarua Camavinga.
“Unë kam kontratë me klubin deri në vitin 2022, dhe jam lojtar i Rennes, do të shohim se çfarë do të ndodh sezonin e ardhshëm”.
“Unë kam ende dy vite në kontratë dhe do të ketë kohë të flas për këtë”, vazhdoi ai.
“Unë do të takohem me drejtuesit e klubit dhe nuk me shqetëson që të rinovoj me klubin me të cilin jam rritur”.
“Unë ëndërroj që të luaj për ekipet e mëdha por nuk kam ndonjë favorit”, shtoi ai.
Camavinga ka deri tani 52 ndeshje të zhvilluara me skuadrën e Rennes, dhe gjithashtu dy paraqitje dhe një gol për kombëtaren e Francës.