Rikonfirmohet fitorja e Biden në Georgia

Pas një rinumërimi të përpiktë, zyrtarët në Georgia të Shteteve të Bashkuara të Amerikës e kanë konfirmuar se demokrati Joe Biden e ka mundur republikanin Donald Trump në garën e 3 nëntorit.

Ky rikonfirmim e ka ngushtuar përpjekjen e Trump për t’i përmbysur rezultatet e zgjedhjeve presidenciale në SHBA, shkruan Reuters.

Rezultati i rinumërimit gjashtëditor të pesë milionë votave ishte pritur gjerësisht, megjithatë Trump kishte dyshuar se në këtë shtet janë manipuluar votat.

Kujtojmë se Biden ka fituar 306 vota elektorale. Ndërsa Trump ka fituar 232 në mbarë vendin.