Vriten tre persona dhe plagosen disa në një sulm me thikë në Francë, sulmuesi kishte thirrur ‘Allahu Akbar’
Një sulmues me thikë vrau tre persona dhe plagosi disa të tjerë brenda një kishe në Nice.
Vrasjet ndodhën në orën 9 të mëngjesit të së enjtes brenda bazilikës Notre-Dame në qendër të qytetit. Mediat franceze raportuan se të paktën njërit prej viktimave i është prerë koka.
Policia e përshkroi skenën si një “skenë tmerri”.
Sulmuesi u qëllua dhe u plagos nga policia dhe u dërgua në spital.
Kryetari i Komunës së Nicës, Christian Estrosi, tha se sulmuesi kishte përsëritur “Allahu Akbar” disa herë ndërsa po arrestohej dhe prangosej nga policia.
Ai tha se njëres prej viktimave, një gruaje, i ishte koka, por nuk kishte detaje se si u vranë dy të tjerët.
“Kemi dy persona të vrarë brenda kishës… dhe një person të tretë që ishte në një lokal përballë kishës ku ishte strehuar. Mjafton… ne duhet ta heqim këtë islamo-fashizëm nga territori ynë”, tha kryetari i Nicës, Christian Estrosi.
Sulmi vjen më pak se dy javë pasi mësuesit të historisë Samuel Paty, 47 vjeç, iu pre koka jashtë shkollës së tij të mesme pasi tregoi disa karikatura në klasën, përfshirë një nga Profeti Muhamed gjatë një diskutimi mbi lirinë e fjalës.
“Para se të ishte një profesor shkolle, këtë herë barbarizmi Islamo-fashist zgjodhi të sulmonte brenda një kishe. Përsëri, është shumë simbolike”shtoi Estrosi.
Policia konfirmoi se tre persona kishin vdekur në sulm.
Prokurori anti-terrorist i Francës është sjellë për të hetuar akuzat për “vrasje të lidhur me një organizatë terroriste”.
Presidenti Emmanuel Macron po shkon në Nice.
Nice u sulmua në korrik të vitit 2016 kur një terrorist nisi një kamion 19 tonësh në turmat e njerëzve që festonin Ditën e Bastiljes në Promenade des Anglais, duke vrarë 86 vetë dhe duke plagosur 458 të tjerë. Shoferi Mohamed Lahouaiej-Bouhlel, një tunizian që jeton në Francë, ishte qëlluar dhe vrarë nga policia
