Lavrov: Armenia dhe Azerbajxhani pajtohen për armëpushim

Kryediplomati rus Sergei Lavrov ka thënë se Armenia dhe Azerbajxhani kanë rënë dakord për një armëpushim.

Sipas tij, palët janë pajtuar që t’i shkëmbejnë të burgosurit dhe trupat e të vrarëve në konfliktin midis forcave të Azerbajxhanit dhe atyre etnike armene që është zhvilluar për rajonin Nagorno-Karabakh, shkruan Reuters.

Këto bisedime ishin kontakti i parë diplomatik midis dy palëve që kur nisën luftimet për enklavën e shkëputur më 27 shtator që rezultuan me qindra të vdekur.

Armëpushimi pritet të fillojë sot në orën 12:00.