Si zbulohen vrimat e zeza
Pjesa e parë
Vrimat e zeza zbulohen pasi materiali përreth (si gaz) është i drejtuar nga forca e gravitetit në një disk rreth vrimës së zezë. Molekulat e gazit në disk vërtiten rreth vrimës së zezë në mënyrë shumë të shpejtë që ato nxehen dhe lëshojnë rreze X. Këto rreze X mund të zbulohen nga Toka. Vrimat e zeza mund të zbulohen gjithashtu duke shikuar lëvizjet e yjeve pranë vrimës së zezë.
A mund të bëhet Dielli një vrimë e zezë?
Jo, Dielli është tepër i vogël për t’u bërë ndonjëherë një vrimë e zezë. Një yll duhet të jetë shumë më masiv se Dielli përpara se të mund të shndrrohet në një vrimë të zezë.
A ka një vrimë të zezë në qendër të Galaksisë sonë?
Po, ka një vrimë shumë të madhe të zezë në qendër të Galaksisë sonë. Ajo ka një masë prej rreth tre milionë diej dhe është shumë larg nga Toka, në një distancë prej rreth 24,000 viete drite. Vrimat e zeza të mëdha mendohet se ndodhen natyrshëm në qendër të galaksive më të mëdha dhe shumë prej tyre tashmë janë zbuluar. Vrima e zezë që qëndron në qendër të Galaksisë sonë është shumë larg për të rrezikuar Tokën.
Sa e madhe është një vrimë e zezë?
Vrimat e zeza vijnë në shumë madhësi dhe madhësia e tyre varet nga sa materiale ka në to (masa e tyre). Disa janë mbetjet e një ylli gjigant që u shemb. Një yll duhet të jetë shumë më masiv se Dielli ynë për t’u bërë një vrimë e zezë. Vrimat e zeza janë zbuluar edhe në qendrat e disa galaktikave të tjera. Këto vrima të zeza janë shumë të mëdha dhe përmbajnë të njëjtën sasi materiali sa 100 milionë ose më shumë diej./FaktePlus