AKK kërkon që të hiqet kufizimi i lëvizjes dhe të zgjatet orari i gastronomisë
Asociacioni i Komunave të Kosovës (AKK) me anë të një kërkese drejtuar Ministrisë së Shëndetësisë, dhe Ministrisë së Punëve të Brendshme ka kërkuar rishqyrtimin e masave anti-Covid19.
AKK mes tjerash kërkon që të hiqet orari i kufizimit të lëvizjes për qytetarët dhe të niset lirimi i masave për gastronominë.
Kjo pasi sipas AKK, masat e deritashme nuk kanë ndikuar në uljen e numrit të të infektuarëve me Covid019.
“Po shihet qartë që kufizimi i lirisë së lëvizjes në komunat kryesore të Republikës së Kosovës dhe masat që janë ndërmarrë për sektorin e gastronomisë, (koha e aktivitetit të ekonomik të jetë i kufizuar nga ora 21.00 – 05.00), nuk paskan qenë masa përkatëse në parandalimin e përhapjes së COVID 19. Prandaj, me këtë rast, kërkojmë nga Ju që në këtë kuadër të hiqet orari i kufizimit të lëvizjes dhe të niset me lirimin e disa masave për gastronominë, të cilat ishin të vendosura në pikën 9 të Vendimit të Qeverisë së Kosovës, nr. 01/10 të datës 5 Korrik 2020. Pra, kërkohet që masat të rishikohen në mënyrë që parandalimi i përhapjes së COVID 19 të jetë më i suksesshëm”, thuhet në letrën e Asociacionit të Komunave.
Kërkesa – letra e plotë e AKK-së:
