Ndërpritet seanca e Kuvendit
13/07/2020, 19:21
Seanca e Kuvendit të Kosovës është ndërprerë për shkak të ajrosjes së sallës.
Në tentim të respektimit të manualit për parandalim të përhapjes së Covid-19, deputetët e Kuvendit të Kosovës kanë shkuar në pauzë 25 minutëshe për të ajrosur sallën plenare.
Në seancën e sotme është duke raportuar kryeministri, Avdullah Hoti për menaxhimin me korona virusin pas shumëfishimit të rasteve në javët e fundit.
Kjo seancë është duke u përcjellë me akuza dhe kundër-akuza ndërmjet deputetëve të partive në pushtet dhe atyre opozitare.
Ndërkaq, pas pauzës debati pritet të rifillojë.
