Arsenali luan baraz me Leicesterin
07/07/2020, 23:45
Arsenal dhe Leicester City kanë ndarë pikët duke luajtur barazim 1:1 në ‘Emirates Stadium’, të martën mbrëma.
Sfida e javës së 34-të të Premierligës, nuk ka sjellë fitues, me Arsenalin dhe Leicester City që në fund janë pajtuar me një barazim 1:1.
Pierre Emerick Aubameyang i dha epërsinë Arsenalit, duke shënuar në minutën e 21’.
Arsenal në minutën e 75’, mbeti me një lojtar më pak, kur zëvendësuesi Nketiah u ndëshkua me karton të kuq.
Prezencën më të madhe numerike në fushë e shfrytëzoi Leicester City, që barazoi me Jamie Vardyn në minutën e 84’.
Pas 34 ndeshjeve, Arsenal renditet në vendin e shtatë me 52 pikë, ndërsa Leicester me 59 pikë, në vendin e katërt.
