Dy javë karantinë për kosovarët që kthehen në Gjermani

Ambasada e Kosovës në Gjermani ka publikuar rregulloren e shtetit gjerman në qoftë se qytetarët e saj udhëtojnë drejt Kosovës.

Përmes një njoftimi, kjo ambasadë ka bërë të ditur se në rast kthimi nga Kosova për në Gjermani qytetarët do të vendosen në vetizolim për 14 ditë.

Gjatë këtyre ditëve qytetarët do të kenë të drejtë të dalin nga shtëpia/banesa e tyre vetëm me leje të institucionit vendor shëndetësor, në të kundërtën, nëse nuk zbatohet kjo rregullore do të ketë gjoba të larta.

Ndërsa ka bërë të ditur se testet e bëra në Kosovë nuk do të jenë valide në Gjermani.