Drejtori i SHSKUK-së: Infektiva ka ende kapacitete të pranimit të pacientëve

Drejtori i SHSKUK-së, Basri Sejdiu, ka thënë se në Klinikën Infektive ka ende kapacitet të pranimit të pacientëve që mund të të kërkojnë hospitalizim.

“Ende ka mundësi të pranimit të pacientëve. Është plani “C” për lirim të klinikave të tjera, edhe spitalet regjionale po trajtojnë pacientë dhe rastet më të rënda po referohen në QKUK”, ka thënë Sejdiu.

“1/4 e kapaciteteve janë të shfrytëzuara. Kemi kapacitete, nuk jemi në sistem që situata nuk po menaxhohet, por dëshirojmë që të kemi numër më të vogël të pacientëve dhe kjo arrihet duke respektuar masat e rekomanduara.

Sejdiu ka thënë se është detyrim që të krijohet hapësira për shtrirjen e pacientëve.