Gjuajtja me armë në Prishtinë – plumbi kap veturën e kalimtarit, në të kishte edhe fëmijë
Një gjuajtje me armë ka ndodhur para orës 22:00 në kryeqytetin e Kosovës, saktësisht tek Posta Kryesore.
Nga ky incident ka pësuar një veturë e tipit BMW, e cila ishte duke kaluar në atë pjesë.
Brenda saj ishte një familje e tërë, dy fëmijë me prindërit e tyre që ishin duke kaluar rastësisht kur ka ndodhur ngjarja.
Mirëpo, fatmirësisht plumbi nga dorasit nuk kanë arritur të depërtojnë brenda veturës, por ka dëmtuar atë.
Në fotografi shihet më së miri rreziku që i ishte kanosur kësaj familjeje.
“Falë zotit kemi shtëpuar të gjithë, interesant që plumbi nuk ka depërtuar në BMË, unë kam qenë rastësisht duke kaluar, në veturë jamë me dy fëmijë dhe bashkëshorten”, ka thënë vozitësi i BMW për IndeksOnline.
Mediumi mëson se në këtë incident janë të përfshira një veturë Golf 7 dhe një veturë e tipit Mercedes.
Policia e Kosovës ende nuk ka raportuar për ndonjë të arrestuar.
