Avokati i njohur kroat i drejtohet Carl Bildit: Është prokurori ai që duhet të jap dorëheqje, jo Thaçi
Pas një shkrimi të Carl Bildt, ku kërkohet dorëheqja e Presidentit Thaçi, ka pasur reagime të shumta nga personalitete të ndryshme që ju kanë kundërvyer, e ndër ta është edhe avokati i njohur amerikan me origjinë kroate, Luka Misetic, i cili ka thënë se prokurori është ai që duhet të japë dorëheqje për veprimin e kundërligjshëm që ka bërë me publikimin e aktakuzës ende pa u verifikuar.
Avokati i njohur, Luka Misetic, i cili ka qenë edhe avokat i gjeneralit të famshëm kroat Ante Gotovina, i ka reaguar Carl Bildt, i cili ka kërkuar dorëheqjen e Thaçit nga pozita e presidentit pas publikimit të propozim aktakuzës.
Misetic i ka thënë Bildt se ai që duhet të japë dorëheqje është prokurori, i cili ka vepruar në mënyrë të paligjshme.
Ai tutje ka theksuar se aktakuza e propozuar ndaj Thaçit nuk është konfirmuar as pas 64 ditësh.
“Aktakuza e propozuar ndaj Thaçit ende nuk është konfirmuar as pas 64 ditësh. Carl Bildt shkruan se Thaçi duhet të japë dorëheqjen edhe nëse gjyqtari kundërshton aktakuzën. Por z.Bildt, është prokurori ai që do të duhej të jepte dorëheqjen për mënyrën e paligjshme që ka vepruar. Jo Thaçi.”, ka shkruar avokati i njohur Misetic, në Twitter.
Bashkëkryesuesit të Këshillit Europian për Marrëdhënie të Jashtme, Carl Bildt, i ka reaguar ashpër edhe aktivisti boshnjako-amerikan, i cili ka thënë se është Carl Bildt ai që do të duhej të hiqte dorë, kur ai po pinte raki me Mladicin ndërsa gjenocidi ndaj Srebrenicës po ndodhte.
Ndërsa edhe në Kosovë është cilësuar nga juristët shkelje të procedurës bërja publike e emrave pa vendimin e gjyqtarit të procedurës paraprake, e që diçka e tillë nuk do duhej të ndodhte.
The proposed indictment of Thaci has not yet confirmed it after 64 days.Yet @carlbildt writes that Thaci should resign even if the judge rejects the indictment. But Mr. Bildt, it is the Prosecutor who would have to resign for acting unlawfully. Not Thaci. https://t.co/Q6DUwEQTFl
— Luka Misetic (@MiseticLaw) June 27, 2020
