Drejtori i Shëndetësisë demanton lajmin se Prishtina sot pret rezultatet për COVID-19 të 140 personave
Drejtori i Shëndetësisë në Komunën e Prishtinës, Bujar Gashi ka demantuar lajmin i cili sot ka qarkulluar në media ku thuhej se sonte do të dalin rezultatet e 140 personave të dyshuar për koronavirus.
Gashi ka thënë se ky lajm është i pavërtetë, ndërsa shton se sot në këtë komunë pritet të mirren 37 mostra nga Qendra Klinike e Mjekësisë Familjare, shkruan Sinjali.
E Komuna e Prishtinës dje priu nga komunat tjera të Kosovës me numrin e të infektuarve me koronavirus.
Plot 44 raste të reja janë shënuar në kryeqytet nga 96 sa dolën në nivel vendi.
Prizreni është komuna e dytë që e pason Prishtinën, por me një diferencë të madhe prej 10 rasteve.
Instituti Kombëtar i Shëndetësisë Publike ka bërë thirrje për shtim të kujdesit te qytetarët, ndërsa numri i viktimave është rritur në 48.
