5 raste të reja me Covid-19, Haziri njofton për forcim masash në Gjilan
Kryetari i Gjilanit, Lutfi Haziri thotë se do të forcohen masat anti Covid-19 në këtë komunë. Komentet e tij vijnë pas regjistrimit të pesë rasteve të reja pozitive në këtë komunë. Aktualisht Gjilani ka 25 raste aktive me koronavirus.
“Komiteti i Gjilanit ka vendosur që t’i forcojë masat. Pra, mos u habitni, nuk mund të merrni e as të jepni shërbime pa maska e doreza’, shkroi Haziri në Facebook.
Postimi i plotë:
#Dita95. Rikthimi i infeksionit në Gjilan është kërcënim për krejta të arriturat dhe punën e mirë që është bërë nga ana e Komitetit emergjentë të Gjilanit për parandalimin e përhapjes së #COVID19.
IKSHP na njoftoi për 5 raste të reja pozitivë, tre persona janë shëruar plotësisht, ndërkohë që numri total i personave aktivë me #Covid19 është 25.
Komiteti i Gjilanit ka vendosur që t’i forcojë masat. Pra, mos u habitni, nuk mund të merrni e as të jepni shërbime pa maska e doreza.
Institucionet, Qendrat Tregtare, kefeteritë e restorantet janë në monitorim të plotë të inspktorëve komunalë dhe do të ndërmerren masa nëse nuk funksionohet pa masa mbrojtëse e nëse nuk mbahet distanca sociale!
