Këshilltari i Thaçit: Me t’u ngjitë Haki Abazi është gati si me t’u ngjitë zgjebja
Ish-zëvendëskryeministri Haki Abazi ka thënë se Presidenti Hashim Thaçi ka shpenzuar miliona euro për projektin e ndarjes së Kosovës.
Ndaj deklaratave të Abazit ka reaguar këshilltari i Thaçit, Adil Behramaj. Ky i fundit ka thënë se “Me t’u ngjitë Haki Abazi është gati si me t’u ngjitë zgjebja”.
Mes tjerash, Behramaj ka thënë se “Për Hakiun dhe kolegët e tij që dikur thirreshin në bashkimin kombëtar, nëse Lugina e Preshevës do bashkohej me Kosovën, nuk është për t’u çuditur më edhe sikur të shqetësoheshin për ndarjen e Serbisë!”.
Postimi i plotë i Behramajt:
Me t’u ngjitë Haki Abazi është gati si me t’u ngjitë zgjebja. Pareshtur flet për ndarje, por si parazit i jashtëm nuk të ndahet dot pa e trajtuar. Ekziston një fatmirësi dhe një fatkeqësi në këtë mes. Efekti i llomotitjes së tashme të tij është i njëjtë me efektin e zgjebes dhe ka vetëm kruajtje dhe skuqje, që fatmirësisht lehtësisht kurohen. Fatkeqësia është që shqiptarët gjithandej Kosovës dhe rajonit deri më tani ishin viktima të shqetësimeve publike për ndarje, që këta i kanë ngrehur me retorikën e tyre politike. Nëse nuk keni harruar janë pikërisht këta që dikur thirreshin në bashkimin e gjithë shqiptarëve. Ndërsa, tash kur shqiptarët u qetësuan dhe e kuptuan që vetëm bashkim mund të ketë – jo ndarje, risi na qenka përpjekja e tyre për t’i shqetësuar popujt e tjerë, duke e trumbetuar edhe shpërbërjen e Bosnje dhe Hercegovinës.
Për Hakiun dhe kolegët e tij që dikur thirreshin në bashkimin kombëtar, nëse Lugina e Preshevës do bashkohej me Kosovën, nuk është për t’u çuditur më edhe sikur të shqetësoheshin për ndarjen e Serbisë!
https://fakteplus.net/abazi-rreziku-per-vendin-po-rritet-nga-thaci/
