Qeveria në detyrë shkarkoi edhe një bord mbrëmë

Qeveria në detyrë mbrëmë ka shkarkuar Bordin e Drejtorëve të Kompanisë Rajonale e Ujësjellësit “Gjakova” Sh. A.

Përmes një komunikate drejtuar mediave, Zyra e Kryeministrit ka njoftuar se Qeveria ka emëruar Robert Lekajn, Luan Matoshin, Miranda Zherkën dhe Urim Gashin, si anëtarë të Bordit të Përkohshëm të Drejtorëve.

Në këtë mbledhje është miratuar vendimi me të cilin është emëruar Shpend Gjugja, drejtor në Bordin e Përkohshëm të Drejtorëve të Ndërmarrjes Publike Hidroekonomike “Ibër Lepenc” Sh. A.