47% e punëtorëve të sektorit privat aplikojnë për ndihmë nga shteti!
Ministri në detyrë i Financave dhe Transferve, Besnik Bislimi, mori reagime pas një postimi të tij, në të cilin thuhej se në Kosovë është ulur papunësia si kurrë më parë në 20 vjetët e fundit.
Edhe ekonomisti Erton Bega ka reaguar për këtë, duke treguar për statistikat e të punësuarëve në Kosovë.
Tutje ai ka kërkuar nga institucionet që të përgadisin urgjentisht një pako financiare për të rimërkëmbur ekonominë në vend.
Postimi i plotë:
Bazuar në të dhënat e Agjensisë së Statistikave, Kosova 🇽🇰 ka 67% të popullatës (1,206,806) në moshë pune (15-64 vjet).
Vetëm 40% 🤔 (488,485 persona) e personave të moshës së punës janë aktiv në tregun e punës, përderisa 718,321 persona apo 60% nuk janë aktiv.
Sipas ASK, shkalla e papunësisë për vitin 2019 ishte 25.7% ☹️ (125,305) përderisa të punësuar ishin 363,180 persona apo 30% e qytetarëve në moshë aktive për punë.
18,8% e vendeve të punës konsiderohen të paqëndrueshme në Kosovë. Sektori privat 💪është punëdhënësi më i madh me 77% kontribut në shkallën e punësimit.
Sipas një raporti të bankës botërore, mbi 25% 😮 e vendeve të punës janë informale në Kosovë, që nënkupton mbi 100 mijë vende pune të padeklaruara, dhe deklarimi formal i 10 mijë punëtorëve të në kohë pandemie për të përfituar nga pako emergjente është lajm pozitiv 👌 në zvogëlimin e informalitetit në punësim, por kjo shifër paraqet zvogëlim në masën prej më pak se 10% të shkallës së informalitetit në tregun e punës.
Kosova 🇽🇰 ka 363 mijë të punësuar dhe nga këta 133 mijë kanë aplikuar 🗂 për ndihmë financiare nga paketa emergjente, përkatësisht 37% e të gjithë të punësuarve në Republikën e Kosovës kanë deklaruar që kanë humbur 😠 vendin e punës gjatë pandemisë.
Nëse marrim parasysh që këta 133 mijë persona vijnë vetëm nga sektori privat që punëson në total 280 mijë persona, rezulton që 47% të vendeve formale të punës në sektorin privat janë pezulluar gjatë kohës së pandemisë!
Sfida kryesore mbetet mirëmbajtja e këtyre vendeve të punës dhe Institucionet e Kosovës duhet urgjentisht të përgatisin një pako të fuqishme financiare për të rimëkëmbër ekonominë duke subvencionuar dhe kredituar ndërmjarrjet në sektorin privat në mënyrë që të reduktohen sa më shumë pasojat ekonomike nga pandemia.
#covid19 #masaekonomike #punesimi #papanusia #sektoriprivat #kosova #pakoemergjente #paketaekonomike