​Merkel kërkon sistem paralajmërimi nëse rastet me koronavirus fillojnë të rriten përsëri

Kancelarja gjermane Angela Merkel tha sot se është i nevojshëm një sistem paralajmërimi në rast se numri i rasteve me koronavirus rritet përsëri.
Merkel, pas takimit me kryeministrat e landeve gjermane, tha se ishte në interes të qytetarëve që të kishte një strategji për të gjithë Gjermaninë.

“Qëllimi është të ngadalësojmë përhapjen e virusit, dhe javët e fundit ne kemi arritur shumë. Ne duhet të punojmë më tej për të zvogëluar numrin e infeksioneve,” tha Merkel.