Këshilltari i Kurtit thotë se Kuvendi i ka vetëm 119 deputetë, pasi Etem Arifi nga komunitetet e ka humbur mandatin
29/04/2020, 19:33
Një këshilltar i kryeministrit në detyrë të vendit, Albin Kurti, ka pohuar se Kuvendi i Kosovës aktualisht i ka vetëm 119 deputetë, dhe jo 120.
Erzen Vraniqi ka shkruar në llogarinë e tij, në rrjetin social Facebook, në internet, se njëri prej deputetëve e ka humbur mandatin e tij.
“Kuvendi i Kosovës i ka 119 deputetë. Deputeti Etem Arifi i dënuar me 1 vit e 3 muaj burg me vendim të plotfuqishëm, e ka humbur mandatin sipas nenit 70 të Kushtetutës së Kosovës. Ai nuk ka të drejtë vote”, ka thënë Vraniqi.
Këshilltari i Kurtit e ka publikuar edhe aktgjykimin ndaj Arifit.
