Pretendimi i ri: Kim Jong-un mund të jetë plagosur gjatë testeve të fundit raketore
Udhëheqësi i Koresë së Veriut, Kim Jong-Un mund të jetë lënduar gjatë provave të raketave, sipas një ish-zyrtari të rangut të lartë.
Një pretendim i tillë vjen pasi ishte së fundmi është raportuar shumë rreth shëndetit të liderit kontrovers.
Spekulimet shpërthyen pasi Kim humbi një festë vjetore për ditëlindjen e gjyshit të tij të ndjerë – Kim Il-sung, themeluesit të vendit – në 15 prill.
Dhe, siç shkruajnë mediat të shumta, përfshirë edhe Mirror, tani Lee Jeong Ho, një ish zyrtar i Dhomës 39, një organizatë e drejtuar nga Partia e Punëtorëve të Koresë së Veriut, i ka thënë grupit të lajmeve Dong-A Ilbo se Kim mund të jetë lënduar një ditë më parë.
Siç thuhet, Koreja e Veriut lëshoi raketa të shumta fluturuese me rreze të shkurtër anti-anije në det dhe avionët Sukhoi qëlluan me raketa ajër-tokë më 14 prill, si pjesë e ushtrimeve të vazhdueshme ushtarake, konfirmoi ushtria e Koresë së Jugut.
Lee, i cili ka dezertuar në Shtetet e Bashkuara, tha se prova të tilla nuk do të kishin shkuar përpara pa urdhrin e komandantit të përgjithshëm, duke nënkuptuar që Kim ishte i aftë ta bënte këtë kur raketat u nisën në orën 7 të mëngjesit.
Ai i tha gazetës: “Kim mungonte në raportet e testeve ndërsa nuk u la asnjë filmim nga lëshimi i raketave dhe trajnimi i avionëve luftarakë, gjë që tregon një mundësi të një aksidenti të papritur që mund të jetë shkaktuar nga mbeturinat ose zjarri”.
Ndryshe, derisa disa zyrtarë ose burime pretendojnë se diktatori ka vdekur, të tjerë thonë se ai është në gjendje vegjetative ose gjendje kome, por të dielën u tha se ai është “i gjallë dhe mirë”.
