Bashkëshorti i Vjosa Osmanit tregon pse iu ndëpre mikrofoni Driton Selmanajt

Në një postim të tij në Facebook, Sadriu ka shkruar se duhet të bëhet dallimi se cfarë shteti është Kosova.

“Kosova është demokraci parlamentare, por është edhe Republikë. Ju lutem mos i ngatërroni këto dy përkufizime bazike të shkencave politike”, ka shkruar Sadriu.

E në këtë postim të tij ka marr qindra komente e në mesin janë edhe kritikat ndaj bashkëshortes së tij e cila ia ndali mikrofonin bashkëpartiakurit të tij, Driton Selmanajt.

Sipas Sadriut mikrofoni dhe deputëtët nuk janë për ta dezinformuar publikun.

“Mikrofoni nuk është mjet për të dezinformuar publikun. E as mandati i deputetit nuk është i tillë”, ka shkruar Sadriu.

Kryetarja e Kuvendit të Kosovës, Vjosa Osmani, ia ka ndaluar fjalën deputetit të Lidhjes Demokratike, Driton Selmanajt, derisa ai po fliste për masat kufizuese lidhur me situatën emergjente në vend.

Selmanaj i tha Osmanit se ajo po i legjitimon sjelljet anti-kushtetuese të Qeverisë së Kosovës.

“Ka ardhur në përfundim se Qeveria ka shkelur Kushtetutën. Po thotë [Kushtetuesja, v.j] se ju keni në dispozicion kaq kohë për të sjell një Ligj të ri, përndryshe kaloni në nenin 56 ku flet për shmangie të të drejtave dhe lirive të njeriut, e që bëhet me rastin e shpalljes së gjendjes së jashtëzakonshme”, tha Selmanaj.

“Përpjekja që ju po e bëni, është përpjekje për të legjitimu  sjelljen e kësaj qeverie duke e lënë anash nenin 56 të Kushtetutës së Kosovës…”, u shpreh Selmanaj, para se të ndërpritej nga Osmani.

Ndërkaq, Osmani i tha Selmanajt se ai nuk ka të drejtë të ofendojë askënd.

“Z. deputet, je duke e keqpërdorur të drejten tënde për t’i dezinformuar të gjithë qytetarët e Republikës së Kosovës. Nuk ke asnjë të drejtë… në radhë të parë, fjalën ta dhashë me fol për çështjen e mocionit; në qoftë se do me fol për çështjen e mocionit fol, nëse fol për një temë tjetër, regjia ia ndalon menjëherë fjalën”, i tha Osmani, Selmanajt.

Kryetarja Osmani i tha Selmanajt se nuk i është shkelur asnjë e drejtë. “Në qoftë se mendon se të është shkelur ndonjë e drejtë, janë procedurat”, i tha Osmani, Selmanajt. /Insajderi.com