Deputeti i VV-së paralajmëron shkarkime edhe në KEK
10/04/2020, 17:26
Bordet e përkohëshme të emëruara nga qeveria Kurti në ndërmarrjet publike po vazhdojnë të bëjnë shkarkime.
Sot në Telekomin e Kosovës janë shkarkuar Kryeshefi Ekzekutiv dhe Zyrtari Kryesor Financiar.
Pos kësaj, deputeti i VV-së, Mefail Bajqinovci ka paralajmëruar se shkarkime të tilla mund të ketë edhe në Korporatën Elektroenergjetike të Kosovës.
“Shkarkohet kryeshefi ekzekutiv i Postës dhe zyrtari kryesor financiar. Tani, po besoj që është radha e KEK’ut t’i nenshtrohet rivendosjes se rendit dhe ligjit. Abuzimit me pasurinë publike ja gjejmë ilaqin.”, ka shkruar Bajqinovci.
Shkakime nga bordet e emëruara nga kryeministri në detyrë Albin Kurti ka pasur edhe në ndërmarrjen publike Infrakos dhe në Ujësjellsin Rajonal Prishtina.
