Vjosa Osmani kërcënon Veliun dhe të tjerët: Le të guxojnë të ma tregojnë derën

Kryetarja e Kuvendit të Kosovës, Vjosa Osmani, ka kërcënuar jo pak lidershipin e partisë së saj, më konkretisht ata që ia treguan derën, pasi doli kundër mocionit për rrëzimin e qeverisë.

Ajo ka thënë le ta provojnë dikush nga partia ta largon dhe do do të shohin se kush do të dalë i pari nga dera.

“Ata që ma tregojnë derën e më thonë se e kam tradhëtuar LDK, le ta prvojnë dhe do ta shohim, kush do të dalë i pari nga ajo derë”, tha Osmani.

Osmani që njëherësh është nënkryetare e LDK-së, po në këtë intervistë e ka akuzuar rëndë kolegun e saj në parti, nënkryetarin e partisë, Agim Veliun për sjelljen karshi koalicionit. Madje sipas përshkrimit të saj, sjellja e tij dhe të tjerëve në LDK çuan në rrëzimin e Qeverisë.