Ambasada Amerikane: Duke lënë anash ndasitë mes komuniteteve, e mposhtim COVID-19

Ambasada amerikane në Kosovë përmes një deklarate për media, ka bërë thirrje që të lihen anash ndasitë mes komuniteteve dhe fokusi i vetëm të jetë lufta kundër Covid 19.

Tutje ambasada ka lavdëruar punën e profesionistëve të shëndetësisë që po punojnë me mund e me rrezik të madh për të zvogëluar përparimin e pandemisë në Kosovë.

“I përgëzojmë përpjekjet e vazhdueshme të profesionistëve të shëndetësisë dhe të të tjerëve që po punojnë me mund e me rrezik të madh për të zvogëluar përparimin e COVID-19 në Kosovë. Ata kanë nevojë për mbështetjen e të gjithëve. Duke punuar së bashku, duke ndjekur udhëzimet e profesionistëve të shëndetësisë dhe duke lënë anash ndasitë mes komuniteteve, e mposhtim COVID-19”.