Teatri Kombëtar i Kosovës nga sonte fillon shfaqjet përmes ‘livestream’

Teatri Kombëtar i Kosovës do të shfaqë sot në mbrëmje, në formatin Livestream në faqen e tyre në Facebook, komedinë “ I ligu për mend”, nga Gjergj Fishta. “Sonte, në ora 20:00 në formatin Livestream në faqen tonë të Facebook-ut për ju e sjellim super komedinë:“I LIGU PËR MEND” , nga Gjergj Fishta, me regji të Altin Bashës”, thuhet në njoftim të TKK-së.

Në shfaqje luajnë: Luan Jaha, Ernest Malazogu, Adrian Morina, Armend Baloku, Ard Islami, Shkelzen Veseli, Ismet Azemi, Basri Lushtaku, Shengyl Ismaili, Gramoz Malaj.Kjo shfaqje ka fituar çmimin si Shfaqja më e mirë në edicionin e sivjetmë të festivalit të Dramës origjinale shqipe, “Talia e flakës”, mbajtur javë që shkoi në Gjilan, në kuadër të “Flakës së Janarit 2019”.

E shkruar nga një prej krijuesve dhe satiristëve më të njohur të letrave shqipe, Gjergj Fishta, shfaqja “i ligu për mend” thumbon veset dhe “intelektualizmin” e shoqërisë së kohës së autorit e cila, edhe pas gati një shekulli mbete pothuajse e njëjtë.